Cov Kav Tos Liv Kachin yog lub cim kev tsis sib haum xeeb nyob Mias Mas ciam teb

Kachin Catholics make their mark on Myanmar's strife-torn frontier5 (UCAN news photo)

Monday, December 27, 2021

Txiv Plig Lapai Ongdang tsis tshua ntxhov siab txog kev kub ntxhov ntawm cov tub rog Mias Mas thiab cov Kachin uas nyob ntawm tus ciam teb Suav thiab Mias Mas lawm. Ntau xyoo dhau los nyob ntawm thaj chaw no yog ib thaj chaw uas cov tub rog Kachin thiab cov tub rog Mias Mas sib ntaus rog hnyav kawg. Kuj xyav moo tias cov Kachin tau txais kev pab los ntawm tseem hwv Suav, ces lawv thiaj muaj peev xwm txeeb lawv tej zej zog rov los nyob twj lij.

Ib tug Txiv Plig nyob hauv lub Cheeb Koom Txoos, nws muaj 46 xyoo. Nws loj hlob thiab pom tas txhua yam kev kub ntxhov nyob hauv lub xeev Kachin, feem coob yog cov haiv neeg tsawg uas nyob Mias Mas qaum teb ncaj lub xeev Yeej Naj nyob Suav teb. Peb txoj hauj lwm yog tsim koob hmoov, pab kev kawm ntaub kawm ntawv thiab sib cog phooj ywg ntawm Suav. Peb ua cov hauj lwm tshaj Ntuj Lus rau cov Kachin nyob hauv lub xeev Yeej Naj. Txiv Plig Lapai Ongdang saib cov neeg Kachin li ntawm 3,000 leej, feem coob yog cov neeg Kachin nyob hauv 587 yim neeg, hauv lub zos Pangkak.

Ban Mo nyob nrug deb ntawm lub tuam ceeb Yaas Nkoos li 800 km, nyob ntawm ntug dej Is Las Vas Dis. Yog thaj tsam hav zoov ntsuab xiab uas sawv daws paub lub npe hu ua hotspot, muaj ib co tsev ntoo thiab yog qhov chaw ncig tsham.

Lub 6 hlis xyoo 2011, muaj kev sib ntaus rog los ntawm cov Kachin twj lij (KIA) thiab cov tub rog Mias Mas, ces ua tsoom pej xeem ntau txhiab leej khiav ua sab ua sua. Txog hnub tim 1 lub 2 hlis xyoo 2021, kev kub ntxhov rov tshwm sim los ntawm cov tub rog txeeb kav teb chaws ntawm pab nom NLD.

Kev tshaj Ntuj Lus ntawm lub tsev teev Ntuj Pangkak, yog kev pab txhawb nqa tib neeg kev ncaj ncees rau cov neeg khiav ua sab ua sua ntau txhiab leej nyob hauv 7 lub yeej thoj nam nyob ib cheeb tsam ntawd. Yog tau txais kev pab los ntawm Caruna Caritas uas zwm rau lub Koom Txoos Kav Tos Liv.

Nyob hauv lub zos no muaj tsev kawm ntawv rau cov me nyuam kawm ntawv txij qib 5 mus txog qib 10, muaj Txiv Plig Daeng ua tus saib xyuas los tau 3 xyoos lawm.

Tseem hwv Suav cia siab rau lub Koom Txoos, vim muaj 5 tug Txiv Plig Kachin thiab muaj 3 tug Tswv Qhia. Hais txog cov Txiv Plig nyob Mias Mas teb uas tau tuag lawm muaj ze 80 leej thiab cov Leej Phauj ntau pua leej. Lawv qhia kev ntseeg rau cov neeg ntseeg Kav Tos Liv li ntawm 116,000 leej nyob hauv lub xeev Kachin. Hauv lub xeev Kachin muaj neeg nyob li ntawm 1.7 plhom leej.