Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Secular ncaim cov neeg ntseeg kav tos liv Nyab Laj
Yos Xes Tran Minh Nhu tau muab nws tus kheej los tshaj Ntuj Lus thiab saib xyuas cov neeg ntseeg uas yog cov haiv neeg tsawg nyob Nyab Laj qaum teb, tam sim no nws tau tag sim neej lawm, nws tau siv ua cov hauj lwm tshaj Ntuj Lus thiab pab cov neeg txom nyem lub caij lawv raug kev kub ntxhov.
Hnub tim 22 lub 11 hlis no, cov neeg ntseeg ntau pua leej tuaj koom Yos Xes Tran Minh Nhu lub ntees tuag nyob hauv Vinh Quang, hauv lub xeev Yen Bai, thiab lawv ua tsheej pab xa tus tuag mus rau ntawm toj ntxas uas nyob nrug deb ntawm lub tsev teev Ntuj li 3 km. Tran Minh Nhu tuag hnub tim 20 lub 11 hlis xyoo 2021, nws lub hnub nyoog muaj 98 xyoo. Nws tau coj cov neeg TAI 100 leej mus nyob hauv txoj kev ntseeg Kav Tos Liv thiab nws ua tus saib xyuas lawv
Muaj ib tug neeg ntseeg hu ua DON hais tias : “Kuv xav ua kev tu siab rau kuv txiv qhuav, tus uas qhia thiab coj kuv mus txais kev ntseeg Kav Tos Liv. Nws hais tias Nhu tau tu kuv loj hlob. Nws niaj hnub caij tsheb kauj vab tuaj ntawm kuv tsev thiab coj kuv mus teev Ntuj txhua Hnub Chiv thiab koom tej lub koob tsheej. Tom qab ntawd nws coj kuv mus noj mov nyob hauv nws tsev, nws yog tus tseem txiv qhuav uas Tswv Ntuj xa tuaj rau kuv”.
Yos Xes Tran Xuan Thuy uas yog Nhu tus tub hais tias : “Txiv tus neeg ncaj ncees, nws dim ntawm tsov rog thiab kev tshaib nqhis los ntev. Nws ua hauj lwm kom tau saib xyuas nws tsev neeg, nws yog tus piv txwv zoo thiab siab zoo rau nws cov me nyuam txhua tus”.
Thuy yog tus thawj tswj lub tsev teev Ntuj thiab nws hais tias ; kuv txiv muaj 6 tug me nyuam thiab 26 tug xeeb leej xeeb ntxwv. Kuv txiv uas tuag lawm, nws kho coob leej neeg mob uas yog siv tshuaj ntsuab kho, nws tsis yuav nyiaj. Nws siv lub sij hawm ntev kawg los tshaj Ntuj Lus rau txhua txhia lub zos, nws mus ko taw thiab caij tsheb kauj vab xwb. Xyoo 1982 txog xyoo 1985, nws tau sau cov neeg hauv zos tuaj teev Ntuj, txhim kho tsev teev Ntuj kom zoo thiab pab cov neeg lub caij lawv raug kev txom nyem.
Tran Minh Nhu yug xyoo 1923 nyob hauv lub xeev Thai Binh Nhu, nws tus tij laug tsiv mus nyob Vinh Quang Parish xyoo 1930. Tam sim no Txiv Plig Chu Wan Kwang yog tus saib lub tsev teev Ntuj thiab muaj 1,800 tus neeg ntseeg.
Add new comment