Cov tsev kawm ntawv Kav Tos Liv nyob Is Ntias teb raug cov His Ntus tsoo pov tseg

Catholic School in India attacked by Hindu Mob (Vatican news photo)

Friday, December 31, 2021

Hnub tim 6 lub 12 hlis no, muaj cov His Ntus nyob tog sab xis 500 leej tau mus tsoo rhuav lub tsev kawm hwm Leej Ntshiab Yos Xes nyob hauv lub nroog Ganj Basotha uas nyob nrug deb ntawm lub nroog Bhopal uas nyob Is Ntias nruab nrab li 100 km.

Cov His Ntus txawb pob zeb rau qhov rais, xuas kav hlau nyom qhov rooj thiab tsoo ub tsoo no nyob hauv lub tsev kawm ntawv piam sij tas, raug nyiaj li ntawm 26,000 plhom US dos las.

Lub tsev kawm ntawv ntawd yog Congregation Of Malabar Missionary Brothers of Saint Francis of Assisi ua tus tsim.

Mishra hais tias tub ceev xwm tau sau cim tseg txog kev kub ntxhov ntawm cov neeg ua txhaum nyob hauv Hnub Chiv, nws hais tias muaj 4 leeg raug ntes nyob hauv lub nroog Ganj Basoda hauv cheeb tsam Vidisha.

The Free Press Journal tshaj tias : muaj 5 leeg raug ntes nyob hauv hnub uas cov His Ntus tsoo lub tsev teev Ntuj. Yog vim cov yeeb yaj duab nyob hauv Youtube hais tias muaj 8 tus me nyuam His Ntus hloov siab tig los txais kev ntseeg nyob hauv lub tsev kawm ntawv hwm Leej Ntshiab Yos Xes, ces cov His Ntus thiaj chim siab thiab ua li ntawd. Hnub tim 3 lub 12 hlis no, the Wire tshaj txog YouTube uas muaj lub npe tias “Aayadh”, nws tau tso ib co xyam “expose” uas hais txog cov me nyuam teev hawm His Ntus tau mus koom cov kab ke hauv cov neeg ntseeg. Nyob hauv chav YouTube no hais tias cov me nyuam ntawd raug quab yuam kom hloov kev teev hawm. Ces cov His Ntus thiaj xav tias yog txwv kom cov me nyuam hloov kev teev hawm nyob hauv tsev kawm ntawv.