Hmoov tsuj xeeb Yes Xus yug los nyob hauv lub xeev Sakunnakhon

Thaj chaw Tha Rae yog qhov chaw uas muaj cov neeg tau txais lub Cim Ntxuav coob tshaj, ces nyob hauv lub caij ua hmoov tsuj xeeb Yes Xus yug los thiaj ua rau neeg tuaj qhov txhia chaw tuaj coob heev. Xyoo no muaj kev ua yeeb yam thiab muaj nkoj nyob hauv hiav txwv. Muaj tus duab Leej Ntshiab Mis Kas Ees uas puab los ntawm Castel Sant Angelo nyob Los Mas. Tuaj ntawm Is Tas Lias tuaj kom tau npaj ua yeeb yam thiab npaj txhua yam zoo nkauj nyob Tha Rae.

Hais txog qhov chaw muaj lub cim tseem ceeb ntawm Kav Tos Liv, mas yog lub nroog Sakon Nakhon thiab Tha Rae. Xyoo 1884, muaj 35 yim neeg ntseeg thiab ib feem yog neeg Nyab Laj thiab neeg Los Tsuas tau tuaj txog lub pas dej loj Nong Han uas nyob hauv lub xeev Sakon Nakhon, muaj ib tug Txiv Plig neeg Fab Kis ua tus coj. Lawv xav nrhiav ib thaj chaw tsim ib co neeg ntseeg tshiab, lawv thov Leej Ntshiab Mis Kas Ees ua tus pov hwm. Lawv caij nkoj mus raws lub pas dej loj, ces lawv mus txog koog hav zoov Tha Rae uas nyem no yog ib thaj chaw nto npe.

Lawv pib txhim tsev nyob ntawd, lawv ua cov tsev xws li Nyab Laj thiab Suav, ua lub cim ntawm cov haiv neeg txhawb nqa kev ncig tsham teb chaws. Nyob Tha Rae muaj 14,000 tus pej xeem thiab 95 feem pua yog cov neeg ntseeg. Yog thawj pab neeg ntseeg uas tau txais lub Cim Ntxuav coob tshaj plaws nyob Thaib teb.

Txhua xyoo thaum txog lub caij ua hmoov tsuj xeeb Yes Xus yug los, mas cov txhua haiv neeg tuaj sib koom ua hmoov tsuj xeeb.

Hmoov tsuj xeeb nyob Tha Rae, mas lawv dai hnub qub thiab teeb ntau tsos zoo nkauj kawg. Lawv ua hmoov tsuj xeeb Yes Xus yug los li ntawd ntau caum xyoo, txij hnub tim 21-25 lub 12 hlis. Lawv muaj kab ke raws kev ntseeg, muaj sib sau ua kab sab, muaj kev ua yeeb yam thiab muaj khw nruab hnub hmo ntuj. Xyoo no lawv muaj nkoj khiav hauv pas dej thiab ua teeb ci ntsa iab. Lawv muaj ib tug mlom Leej Ntshiab Mis Kas Ees tuaj ntawm Is Tas Lias teb tuaj zoo nkauj kawg txawb nyob ntawm lub tsev teev Ntuj. Tus duab mlom yog ua los ntawm Tuscany Company uas yog Castel Sant Angelo nyob Los Mas. Nod yog txoj kev ua zoo uas yuav faib mus rau lwm tus.