Nyob hauv 100 leej poj niam nto npe nyob ntiaj teb xyoo 2021 ntawm BBC, mas kuj muaj Leej Phauj Ann Rose Nu Tong thiab

Leej Phauj Ann Rose Nu Tong ntawm Mis Ntsis Nas hauv lub nroog loj nyob xeev Kachin, nws yog cov neeg ntseeg nyob hauv lub tsev teev Ntuj Saint Francis Xavier. Hnub tim 28 lub 2 hlis tsaib no, Leej Phauj Ann Rose Nu Tong tau siv nws li peev xwm los tiv thaiv cov pej xeem Mias Mas. Yam li Leej Phauj txhos caug ua ntaj teg thov cov tub ceev xwm tsis pub tua cov neeg tawm tsam nyob ntawm tej ntug kev.

Leej Phauj tau hais rau cov tub ceev xwm tias : “Yog nej xav tua, mas tua kuv. Nej txhob tua cov neeg tawm tsam uas tsis muaj riam phom tiv nej, lawv tsuas yog xav nrhaiv kev thaj yeeb xwb”. Qhov Video no nrov ncha ntws nyob hauv Social Media thiab nrog mus txog BBC.

Txij hnub cov tub rog txeeb kav Mias Mas teb los, mas Leej Phauj Ann Rose Nu Tong rais ua ib lub cim ntawm cov neeg tawm tsam nyob Mias Mas teb. Sawv daws qhuav txog Leej Phauj txoj kev siab loj siab tawv thiab nws tiv thaiv cov neeg tawm tsam.

Thaum Radio Veritas Asia mus nug txog tej xwm ntawd ntawm Leej Phauj, mas Leej Phauj Nu Tong hais tias : “Kuv poob siab uas hnov tias kuv raug nce npe rau 100 tus poj niam nto npe ntawm BBC xyoo 2021. Kuv xav tsis txog tias tej yam ntawd yuav tshwm sim tau rau kuv”.

“Tswv Ntuj txhib kom kuv npaj txhij thiab pub lub zog rau kuv, ces kuv thiaj muaj peev xwm thov cov tub ceev xwm kom txhob tua cov neeg tawm tsam. Yog ib lub txiaj ntsim loj uas Tswv Ntuj tau pub rau kuv tiag”.