Tshaj tawm kev ntseeg ntawm cov tub ntxhais hluas Nyab Laj nyob Thạch Bích

Ib lub zos uas nyob los tau 200 xyoo thiab muaj 6 tus neeg ntseeg raug hiam, nyem no muaj cov neeg ntseeg 8,000 leej, thiab lawv txoj kev ntseeg tseem nyob ruaj khov los ntawm kev sib faib sib pab sib nres.

Thach Bich yog ib lub tsev teev Ntuj zwm rau lub Cheeb Koom Txoos Hanoi, thiab muab siab rau yuav txhawb kev ntseeg rau cov hluas txheej tshiab nyem no.

Lub tsev teev Ntuj Thach Bich txhim nyob hauv Bich Hoa uas yog cheeb tsam Thanh Qai nrug deb ntawm Hanoi li 15 km. 200 xyoo dhau los cov neeg ntseeg nyob hauv lub tsev teev Ntuj no rau hiam heev kawg.

Thaum tiam 18 yuav kawg, muaj kev iab hiam cov neeg ntseeg loj kawg nyob Nyab Laj teb, ces 6 tus neeg ntseeg Kav Tos Liv thiaj khiav mus nkaum pem toj siab nrog rau ib cov uas tsis yog neeg ntseeg. Lawv pib tsim tej lub zos me me, lawv nyob nrog kev ncaj ncees, kev ntseeg thiab kev hlub ntawm Tswv Ntuj. Lawv ua lub neej sib hlub sib hwm thiab tshaj lub Moo Zoo rau cov neeg pluag txom nyem nyob toj siab, ces muaj coob leej tau txais lub Cim Ntxuav.

Thaum tus vaj Tu Duc hauv xyoo 1848 txog 1883, muaj cov neeg ntseeg 600 leej thiab cov tub tshaj Ntuj Lus qee leej tuaj nyob hauv lawv lub zos thiab hloov npe hu ua Thach Bich, ces lawv tau txhim thawj lub tsev teev Ntuj. Tam sim no nyob hauv lub tsev teev Ntuj Thach Bich muaj cov neeg ntseeg 8,800 leej.