Lub tsev teev Ntuj Lahore pab 20 tus neeg raug txim uas yog neeg ntseeg

Tswv Qhia Shaw uas nyob Lahore tau pab 20 tus neeg raug txim uas lawv yog neeg ntseeg, pab kom lawv muaj hauj lwm ua ntawm lawv ntiag tug. Thov ua tsaug rau Aid to the Church in Need (ACN), uas ua kom Tswv Qhia Shaw cev tes pab cov neeg ntseeg uas lawv raug txiav txim zaum ob.

Tab txawm lawv tsis muaj pov thawj hais txog koom tes tua 2 tug Mawv Xis Lim lub caij tawm tsam thiab kev rov tua tus kheej tuag nyob hauv lub Caij Hla hnub tim 15 lub 3 hlis 2015.

Hnub ntawd, 2 lub tsev teev Ntuj xws li : lub tsev teev Ntuj Leej Ntshiab Zam thiab lub tsev teev Ntuj Plos Tes taas Yos Has raug neeg tua. Ua rau neeg tuag 27 leej thiab raug mob tshaj 70 leej. Muaj 2 tug neeg raug txim tuag nyob hauv nkuaj. Muaj qee leej raug tso tawm, vim sib hais ntev loo. Tus lwm thawj tswj hais tias : lub tsev teev Ntuj xav pab lawv, kom lawv tau pib tej yam hauj lwm tshiab ua tom qab lawv tawm nkuaj los. Lawv kuj yuav tau txais me ntsis nyiaj yug lawv cov tsev neeg thiab.

Suav txij thaum muaj kev sib tua xyoo 2016 los, muaj 2 tug neeg ntseeg raug tuag nyob hauv nkuaj, thiab lub rooj Tswv Qhia nyob Pas Kis Taas tau them nyiaj rau cov neeg raug txim 12 leeg uas yog Mawv Xis Lis thiab tsis yog.

20 xyoo dhau los, cov neeg raug txim uas raug tso tawm los lawv kuj puav leej tau txais kev pab ntawm lub Cheeb Koom Txoos thiab ACN.

Shakar Habib uas yog ib tug tau txais kev pab hais tias : txoj kev pab no pom tias Tswv Ntuj tau npaj ntau yam rau cov neeg pluag txom nyem. Tam sim no nws tau ib txoj hauj lwm zoo lawm, ces thov ua tsaug rau ACN lub dej siab uas tau pab txhawb nqa cov neeg ntseeg.