MUAJ COV NEEG SIAB PHEM TUA COV NEEG NTSEEG LUB TSEV TEEV NTUJ NYOB HAUV OKARA

Nyob hauv lub zos Okara, muaj 4 tug neeg siab phem ntes ib tug neeg saib xyuas lub tsev teev Ntuj thiab lawv ua phem rau lub tsev teev Ntuj. Txiv Plig Khas Lis hais tias cov neeg phem thau lub Cim Yug ntawm hauv lub tsev tsam phooj los thiab lawv dua cov Ntawv Ntshiab laim puv txhia chaw hauv lub tsev teev Ntuj.

Txiv Plig Khas Lis thov thuam cov neeg siab phem no thiab thov kom cov neeg ntseeg sawv daws txhob maj ua siab kub. Txiv Plig hais tias cov neeg siab phem ua li no yog lawv xav ua kom cov neeg ntseeg poob siab, yog li cov ntseeg yuav ua siab kom txias thiab thov Ntuj ntxiv, yuav tsis muaj leej twg rhuav cov neeg ntseeg tau.

Hais txog ntawm cov tub ceev xwm, mas lawv zoo siab tuav tes nrog cov ntseeg ntes kom tau cov neeg siab phem no lo rau txim kom sai li sai tau.