COV NEEG SUAV COJ KEV TEEV HAWM YES XUS TOS NRHW TSEEM HWV COV LUS TSO CAI RAU LAWV UA NEEG THOJ NAM NYOB KOS LIM NAJ

Muaj cov neeg ntseeg kaum tawm leej nyob hauv lub pov txwv Ntses Ntsu, hauv Kos Lim Naj tab tom yuav raug tseem hwv xa rov qab mus rau Suav teb tom qab lawv cov ntaub ntawv thov ua neeg thoj nam raug tseem hwv feeb pov tseg.

Xyoo 2019 muaj cov neeg ntseeg hauv Suav teb li 60 leeg khiav tawm teb chaws mus rau Kos Lim Naj lub pov txwv Ntses Ntsus vim lawv tsis xav kom lawv cov me nyuam raug tseem hwv Koom Tshaj ntxuav hlwb. Nyob hauv xyoo ntawd tseem hwv muaj kev txwv qhia kev ntseeg hauv tsev kawm ntawv thiab ntuas tsoom pej xeem kom tawm tsam txoj kev ntseeg Yes Xus, ces cov ntseeg hauv Shenzhen Mayflower Church thiaj poob hauv kev ntxhov siab, lawv thiaj khiav tawm txawv teb chaws.