TSEEM HWV TAS LIS NPAAS YUAV TSUM SIV NYIAJ NTAU DUA 4 TXHIAB PLHOM DOS LAS THIAJ YUAV PAB TAU TSOOM PEJ XEEM KEV TSHAIB PLAB

AsiaNews tshaj tawm tias tseem hwv Tas Lis Npaas yuav tau siv nyiaj tshaj ntawm 4 txhiab plhom Dos Las thiaj yuav pab cawm tau cov pej xeem tshaib plab thiab txom nyem hauv lawv lub teb chaws.

Ziag no nyob rau As Kas Nis Taas teb muaj cov pej xeem li 36 plhom leeg tab sis muaj 24 plhom leeg tab tom raug xwv txheej tshaib plab. Li ntawd, UN thiab cov koom haum sib pab thiaj nqua hu cov teb chaws vam meej kom txhob tso As Kas Nis Taas teb tseg. Txawm muaj xov xwm tshaj ntxiv tias tom qab cov Tas Lis Npaas sawv los tswj lub teb chaws mas cov kws kho mob poj niam tau khiav tawm hauv lub teb chaws mus tas, ces ua rau muaj kab mob ntau yam sib kis nyob hauv tsoom pej xeem, xws li thoj plab, ua npaws yoov, raug dab chaw qis, thiab COVID-19

Kev tshaib plab yog yam xwv txheej tshiab nyob hauv As Kas Nis Taas teb, kev tshaib plab yuav ua teeb meem loj rau lub teb chaws.