TUS KWS KHO MOB PAB COV NEEG HAUV MIS NTAD NAUS RAUG TSEEM HWV NTES

TUS KWS KHO MOB PAB COV NEEG HAUV MIS NTAD NAUS RAUG TSEEM HWV NTES (Licas news photo)

Tus kws kho mob Mas Lias Nas Tis Vis Das Nas Tis Kas Tos (Dr Maria Natividad "Naty" Castro) raug tseem hwv ntes nyob hauv nws lub tsev hauv zos Zas Huas, xeev Mis Ntas Naus, Fis Lis Pees teb.

Tus kws kho mob no muaj 53 xyoos, nws nto npe hais txog kev pab cov neeg txom nyem yam. Tseem hwv hiam tias nws yog ib tug tub lis dej num hauv cov Koom Tshas uas tsim kev kub ntxhov rau lub pov txwv Mis Ntas Naus no thiab.

Tseem hwv kev ntes tus kws kho mob zaum no ua rau lub koom haum cov tub txawj ntse All UP tawm los thuam thiab thov kom tseem hwv tso nws kom sai li sai tau. Lawv hais tias tseem hwv ntes neeg zaum no yog kev nyiag ntes neeg mus kaw yam tsis raug cai, thiab lawv pom muaj coob leej raug ntes li no mas thaum kawg raug tseem hwv muab tua tuag tas.

Cov pov txwv nyob yav qab teb hauv Fis Lis Pees teb no muaj kev tsis sib haum tau ntau caug xyoo los lawm vim kev sib txawv ntawm haiv neeg, kev teev hawm, thiab lub hwj chim.