UA SIAB ZOO RAU LWM TUS THIAJ YUAV TSIM KEV HAUM XEEB TAU

Nyob hauv Hnub Plaub lub Lis Piam, Vaj Qhia Fas Ntshis Kus piav txog kev tawm rooj mus tsham cov ntseeg hauv lub pob txwv Mes Lis Tas thiab Vaj Qhia tsis pom zoo nrog kev tsov rog hauv Us Khas Zis Nas thiab yws lub Leej Haum Kuj tias tsis muaj peev xwm txwv tsov rog zaum no. Vaj Qhia hais tias txawm sawv daws kub siab tsim kev thaj yeeb tsis kav niaj hnub no cov teb chaws loj tseem niaj hnub ua tsov sib txeeb nqaij noj kom rog.

Kob rog Lav Xias thiab Us Khas Zis Nas ua pov thawj tias lub Leej Haum Kuj (UN) yog ib lub koom haum tsis muaj zog. Vaj Qhia hais txog lub Leej Haum Kuj. “Tsov rog tab tom cig nyob hauv Us Khas Zis Nas, mas peb pom tias lub koom haum fab kev sib raug zoo ntawm txhua lub teb chaws hauv UN ua tsis tau hauj lwm dab tsi li.”

Tos Vaj Qhia hais li no mas yog nws xav piav txog lub pov txwv Mes Lis Tas uas yog lub pov txwv me me nyob tsis deb tsis ze ntawm Aws Los Pas, Av Fis Kas thiab As Xias. Lub pov txwv no thiaj ua qhov chaw rau ntiaj teb neeg tuaj sib ntsib. Lub pov txwv no muaj keeb kwm thiab huaj txhaij vam meej zoo txuas ua tus qauv rau tas ntiaj teb pom txog kev sib hwm, kev twj lij thiab kev nyob ua ke yam thaj yeeb.

Nyob hauv Vaj Qhia kev tawm rooj mus tsham Mes Lis Tas zaum no mas tau xaiv tus Hauv Paus Xa Lus Paj Lug lo lus tias ‘lawv tau ua zoo kawg rau peb’, yog cov lus Paj Lug hais tom qab lub nkoj tawg, ces lawv los txog ntawm lub pov txwv no, cov neeg nyob txawm hauv Mes Lis Tas tau tos txais lawv zoo.

Tsis yog rau cov neeg thoj nam xwb, kev ua siab zoo rau lwm tus tau pab txhim lub ntiaj teb kom ua kwv ua tij thiab xis nyob tuaj, kev ua siab zoo rau lwm tus pab cawm peb hauv peb lub nkoj ua tau tawg. Peb nyob ua ke hauv tib lub nkoj.

Vaj Qhia hais tias nws tau ntsib cov neeg thoj nam coob kawg nyob ntawd, lawv tau so los siav tom qab raug cua daj cua dub hauv lub hiav txwv.

Vaj Qhia ntuas tias peb tsum qhib siab mloog lawv tej kev txom nyem ces peb yuav to taub lawv zoo dua tej lus peb hnov hauv cov xov xwm.

Txhua leej muaj zaj piav, muaj kiav txhab thiab muaj lub keeb, sawv daws muaj tsim ua tib neeg zoo xws tib yam. Lawv ib leej ris ib lub nras muaj nqes dua tej teeb meem tuaj raug lub teb chaws txais lawv.