Tus Tswv Qhia Khas Phus Chas qhib tsev kawm ntawv me nyuam yaus

Tus Tswv Qhia Khas Phus Chas qhib tsev kawm ntawv me nyuam yaus

(Cambodia bishop opens Kindergarten Education Center) -Radio Veritas News photo-

Tswv Qhia Olivier Schmitthaeusler uas nyob Phas Noos Pees qhib ib lub tsev kawm ntawv me nyuam yaus hu ua Children’s Education Center nyob Kampong Som, Sihanoukville.

Lub tsev kawm ntawv me nyuam yaus qhib tshiab no, yuav qhia kom cov me nyuam muaj kev txawj ntse thiab paub txog kev sib fim ntawm tib neeg thiab phooj ywg.

Lub tsev kawm ntawv tshiab no txhim nyob hauv lub tsev teev Ntuj Leej Ntshiab Mis Kas Ees, nyob nrug deb lub tuam ceeb sab hnub poob li 229 km.

Lub tsev kawm ntawv no yog ua los kom tau pab cov niam cov txiv uas lawv muaj hauj lwm ntau thiab tsis khoom zov me nyuam. Cov me nyuam yuav xyaum ua neeg zoo thiab txawj nco txog Tswv Ntuj cov txiaj ntsim, neeg zej zog thiab lub teb chaws lub txiaj ntsim.