ZAJ NYEEM NIAJ HNUB. Tim 20 lub 6 hlis 2022 (Daily reflection)

TIM 20 LUB 6 HLI, HNUB OB LUB LIS PIAM 12 CAIJ NYOB NRUAB XYOOS
COV LUS NYOB HAUV MAS TAIS NTAWV MOO ZOO (MT7: 1-5)

Kwv tij Hmoob sawv daws, peb ua neej nyob mas peb tsuas pom lwm tus qhov txhaum qhov tsis zoo xwb, peb ntsia tsis pom peb qhov txhaum qhov tsis zoo li. Peb xav dab tsi, hais dab tsi, ua dab tsi, mas peb xav tias yog kuv ua qhov zoo tshaj. Peb pom lwm tus xav tsis zoo li peb xav, peb hnov lwm tus hais tsis haum peb pom ntseg, peb pom lawv ua tsis mus raws li peb hais, mas peb yuav txiav tias lawv ua tsis yog.
Tos peb txiav li ntawd, vim peb saib tus kheej ua qhov tseem ceeb.
Li ntawd, hnub no Huab Tais Yes Xus thiaj ntuas peb kom ras tias peb yog neeg zoo tsis tas yog li mas peb txhob maj txiav txim rau lwm tus, peb yuav saib paus saib ntsis kom zoo tso.
Huab Tais Yes Xus ntuas ntxiv tias ua ntej peb yuav txiav rau lwm tus, peb yuav tau kho peb tus kheej tso, peb yuav tsum rho tus nqaj tse hauv peb lub qhov muag tso, peb thiaj yuav pom kev mus rho tus quav nplej hauv lwm tus lub qhov muag.
Yog li mas cov kwv tij, txhua txhua hnub peb yuav tau soj ntsuam peb, peb tshuav qhov twg tsis tau zoo, tsis tau huv, mas peb kav tsij kho qhov ntawd mog.