ZAJ NYEEM NIAJ HNUB. Tim 5 lub 7 hli 2022 (Daily reflection)

ZAJ NYEEM HNUB TIM 5 LUB 7 HLI. NCO TXOG LEEJ NTSHIAB TUAM NTXAS NKAS LIAS.
COV LUS NYOB HAUV MAS TAIS NTAWV MOO ZOO (MT 9: 32-38)

Kwv tij Hmoob, lub Moo Zoo hnub no mas nej hnov tias thaum Huab Tais Yes Xus kho tus neeg nplaig txhav kom nws rov hais tau lus, mas cov Fas Lis Xais thuam tias yog Huab Tais Yes Xus hut us tuam thawj dab tuaj ntiab tus dab nplaig txhav, mas tus neeg ntawd thiaj zoo tuaj.
Txawm luag yuav thaum yuav hais tsis zoo txog Huab Tais Yes Xus cov hauj lwm, tsis kav nws tsis ntaus siab me, nws niaj hnub ua cov hauj lwm kho sawv daws xws li qub, vim tias Huab Tais Yes Xus muaj lub siab hlub thiab khuv leej cov neeg txom nyem.
Kwv tij Hmoob sawv daws, yog tias hnub no nej ua zoo rau sawv daws, nej ua cov hauj lwm pab nej lub zos, txawm tias tsis muaj leej twg pom, tsis muaj ib lo lus qhuas, tsuas muaj tej lus cua lus xaiv txog nej, mas nej yuav muab lub siab hlub khuv leej lwm tus ua qhov loj, mas nej thiaj yuav yeej luag tej cov lus ntawd tau.
Thov kom nej txhob tag siab thiab txhob qaug zog rau nej cov hauj lwm zoo mog!