THAIB TEB TAB TOM NRHIAV TSWV YIM TIV THAIV KEV NTIAV LWM RUS XEEB TUB YAM TXHAUM CAI

Tuesday, July 12, 2022

Lub rooj pwm tsav txhawb nqa lub cev ntaj ntsug nyob Thaib teb (DHSS) thiab cov tub ceev xwm soj ntsuam (DSI) tuav xam tias lawv yuav ua hauj lwm ua ke, kom tau nrhiav kev ncaj ncees rau cov neeg ua txhaum kev cai, yam li nrhiav lwm tus los xeeb tub hloov nws. Hnub tim 31 lub 5 hlis xyoo no, 2 tog pwm tsav thiaj tau cog lus ua ke kom sib nkag siab (MoU).

Kev cog lus thiab sib nkag siab yuav ua kom lub teb chaws lub npe ntshiab huv tuaj, qhov tseem ceeb yog cov poj niam Thaib thiab ib txhia poj niam neeg txawv teb chaws. Cov poj niam neeg txawv teb chaws yog lub hom phiaj ntawm cov neeg nyiam ua luam neeg hla teb chaws, vim lawv xav tau nyiaj thiab nyiag ua nyob hauv ntau qhov chaw thoob ntiaj teb.

Dhau ntawm qhov cheb ntxuav cov neeg hloov cev xeeb tub lawm, tseem muaj txoj cai txwv hais txog kev muag poj niam li qe thiab txiv neej cov kab tub. Yog tus neeg twg muab nws cov qe los sis cov kab tub rau lwm tus, mas nws yuav raug txim kaw nkuaj 1 xyoos, hos tus neeg yuav raug txim kaw nkuaj 10 xyoo.