COV LOS HEES YAS THOJ NAM XAV ROV MUS LAWV TEB CHAWS

Cov neeg thoj nam lawv xav rov qab mus nyob hauv lub xeev Rakhine, vim lawv ua thoj nam xyoo 2018 los lawm, txij thaum cov tub rog Mias Mas mus ntaus lawv. Thaum lawv paub tias lwm cov teb chaws hnov qab txog lawv, mas lawv thiaj nqua hu kom lub Leej Haum Kuj cev tes pab. Ces cov pwm tsav Npees Las Des tuav xam hais txog qhov yuav xa cov neeg thoj nam Los Hees Yas rov mus lawv teb chaws.

Cov neeg thoj nam Los Hees Yas ntau txhiab leej tawm tsam nyob hauv ib lub yeej thoj nam nyob Cox’s Bazar. Lawv taij kom lawv tau kev tso cai rov qab mus nyob hauv lub xeev Rakhine, yog lub xeev nyob Mias Mas teb uas lawv xav tias yog lawv qub vaj qub tsev. Lawv khiav ua neeg thoj nam, yog vim lawv raug quab yuam caij tsuj los ntawm cov haiv neeg thiab kev teev hawm. Zim txwv no muaj cov neeg thoj nam Los Hees Yas coob tshaj ib plhom leej nyob Npees Las Des teb.