TXWV TSIS PUB TSHEB KHIAV NYOB NYUS DES LIS

Kev txwv yog txij hnub tim 1 lub 10 hli 2022 mus txog lub 2 hlis 2023. Pom  tias kev txwv no yuav ua rau cov neeg tsav tsheb loj xa toob xib poob peev lawm ntau plhom dos las. Lub caij ntuj no huab cua nyob Nyus Des Lis tsis zoo thiab ua rau neeg ua pa tsis tawm tsuas yog xyoo 2019 tib xyoos xwb. Tsoom pej xeem Is Ntias 1 plhom 67 txhiab leej tuag los ntawm cov huab cua phem no.

Hnub tim 15 lub 6 hli tag los, cov tseem hwv nyob Nyus Des Lis tau sau ntawv mus rau lub xeev Haryana thiab Uttar Pradesh uas nyob sib ze, lawv thov kom tso lus kheev rau cov tsheb thauj neeg khiav taug kev uas tso pa roj tsawg muaj cai khiav nkag mus hauv nroog, kom huab cua zoo me ntsis. Raws li soj ntsuam mas niaj hnub muaj li ntawm 70,000 txog 80,000 lub tsheb nkag mus Nyus Des Lis. Cov neeg tsav tsheb thauj toob xib thiab cov neeg tsav tsheb tsis pom zoo txog cov tseem hwv txoj kev txiav txim siab no, lawv hais tias kev kaw nroog 4 lub hlis nws ntev heev thiab yuav ua rau kev xa toob xib mus los poob peev ntau plhom dos las.

Cov huab cua nyob hauv lub tuam ceeb Is Ntias phem kawg, thiab yuav phem heev rau lub caij ntuj no. Yuav daws cov teeb meem no, kev ncua tsheb tsis pub khiav tsuas yog 15-20 hnub nyob hauv lub 11 hlis thiab 12 hlis xwb.