ZAJ NYEEM NIAJ HNUB. Tim 19 lub 7 hli 2022 (Daily reflection)

ZAJ NYEEM HNUB TIM 19 LUB 7 HLI, HNUB PEB LUB LIS PIAM 16 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 12: 46-50)

Kwv tij Hmoob sawv daws, hnub no nej hnov Huab Tais Yes Xus hais tias ‘kuv niam thiab kuv kwv tij, yog cov ua raws kuv txiv nyob saum ntuj lub siab.’
Yog li mas niaj hnub no peb muaj cuab kav ua kwv tij nrog Huab Tais Yes Xus thiab nrog lwm tus tau, tsuas yog peb nyiam ua raws Tswv Ntuj lub siab xwb.
Niam Mab Liab yog tus piv txwv zoo rau peb pom tias peb yuav ua xis Tswv Ntuj siab nyiam li cas; nws mloog Tswv Ntuj lus, nws kheev kom Tswv Ntuj siv nws lub neej los ua Tswv Ntuj txoj hauj lwm, nws tsis muab hlob, nws ua ib tug me me tsob hwb lwm tus.
Kwv tij Hmoob sawv daws, peb txhob xav tias peb niam peb txiv, peb kwv peb tij, kawg yog cov ua xis Tswv Ntuj siab xwb, tus neeg wg nws tsis nyiam Tswv Ntuj, nws tsis yeem ua xws li Tswv Ntuj siab nyiam, mas tus ntawd txawm nws koom peb roj ntsha, koom tib caj tib ces, koom tib lub plab yug los, mas peb yuav cais nws, yuav tsis xam nws ua peb kwv tij. 
Peb txhob xav yuam kev li ntawd mog! Vim Tswv Ntuj lub siab nyiam, mas yog kom peb nyiam sawv daws, hlub sawv daws, txhob txiav txim rau lwm tus neeg. 
Peb yuav tau thov Ntuj pub rau lawv, peb yuav ua zoo rau lawv, thiab nyiam lawv xws li peb nyiam peb. Nyob zoo sawv daws.