ZAJ NYEEM NIAJ HNUB. Tim 21 lub 7 hli 2022 (Daily reflection)

ZAJ NYEEM HNUB TIM 21 LUB 7 HLI, NCO TXOG LEEJ NTSHIAB LOS LEES NYOB NPIS DIS 
COV LUS NYOB HAUV MAS TAIS NTAWV MOO ZOO (MT 13: 10-17)

Kwv tij Hmoob, muaj ntau zaus, peb hnov Tswv Ntuj lub suab hais lus rau peb thaum peb nyeem Ntawv Ntshiab, los yog thaum cov Leej Choj los cov neeg ntseeg twm Ntawv Ntshiab pub rau peb mloog. Tab sis muaj ntaus zaus cov lus ntawd tsis nkag peb qhov ntsej vim hais tau ncaj dhau rau peb, los yog hais tsis ntxim peb siab, ces ua rau peb tsis kam lees tias yog Tswv Ntuj lub suab, yog Tswv Ntuj tab tom ntuas peb. Peb pib tawm tsam, pib tsis nyiam tsis mloog cov lus hauv Ntawv Ntshiab thiab cov neeg twm ntawv rau peb. Qhov kawg, peb tsis kam ntseeg Tswv Ntuj.
Kwv tij Hmoob, yog peb pom tias peb tab tom zoo li hais los no, mas thov kom peb kav tsij hloov siab, kav tsij maj zeeg los nrhiav Tswv Ntuj mog! Nyob zoo sawv daws.