ZAJ NYEEM NIAJ HNUB. Tim 26 lub 7 hli 2022 (Daily reflection)

ZAJ NYEEM HNUB TIM 26 LUB 7 HLI, NCO TXOG LEEJ NTSHIAB YOS AS KIS THIAB LEEJ NTSHIAB AS NAS
COV LUS NYOB HAUV MAS TAIS NTAWV MOO ZOO (MT 13: 16-17)

Kwv tij Hmoob sawv daws, hnub no Koom Txoos nco txog Leej Ntshiab Yos As Kis thiab Leej Ntshiab As Nas. Nkawd yog niam Mab Liab niam thiab txiv, los yog Huab Tais Yes Xus niam tais thiab yawm txiv. Ntawv Moo Zoo tsis tau hais txog nkawd, tab sis peb cov neeg nyob hauv lub Koom Txoos ntseeg tias nkawd yog ob tug tso siab rau Tswv Ntuj, ua neeg ncaj thiab nyiam ua neeg me xws li niam Mab Liab. 
Ua cas peb hais li no, vim tias nyob hauv ib cuab yim neeg twg yog tus ua niam thiab txiv coj tus yam ntxwv li cas mas cov me nyuam yuav coj tus yam ntxwv zoo li ntawd, nkawm niam txiv twg txawj qhuab qhia tej me nyuam mas cov me nyuam yuav mloog nkawd lus thiab ua neeg zoo.
Li ntawd mas cov kwv tij Hmoob uas nej yog niam yog txiv, mas nej yuav ua tus yam ntxwv zoo rau nej cov me nyuam pom, nej yuav ua tus piv txwv zoo rau nej tej me nyuam xyaum, nej xav kom nej cov me nyuam zoo li cas mas nej yuav ua tus qauv cia rau lawv mog.
Nyob zoo sawv daws.