ZAJ NYEEM NIAJ HNUB. Tim 10 lub 8 hli 2022 (Daily reflection)

ZAJ NYEEM HNUB TIM 10 LUB 8 HLI, UA HMOOV TSUJ XEEB LEEJ NTSHIAB TUB TSOB HWB LOS LEES.
COV LUS NYOB HAUV ZAM NTAWV MOO ZOO (Z 12: 24-26)

Kwv tij Hmoob, Huab Tais Yes Xus qhia peb tias peb tsum ua neej nyob xws li lub noob nplej, yog lub noob nplej tsis poob rau hauv av, lub nplaub tsis lwj mas yuav tuaj ua tsob nplej tshiab tsis tau. Peb yuav ua neej zoo li ntawd mas peb txoj sia no thiaj yuav ua hnab nplej ntau ntxiv mus lawm tom ntej.
Yog peb ua neej nyob, peb saib txog peb xwb, peb tsis quam ntsej pab lwm tus, ces peb yuav zoo li lub noob nplej tsis muaj neeg coj mus pov hauv av kom nthaw kaus ua tsob tshiab.
Leej Ntshiab Los Lees uas peb ua hmoov hauv hnub no mas nws ua tus piv txwv txog lub noob nplej poob hauv av kom tau tuaj ua tsob tshiab txhawv hnab ntau rau lwm tus.
Yog vim nws yeem tuag zoo dua tso txoj hauj lwm pab cov neeg txom nyem, ces nws txoj kev tuag ua tim khawv thiaj pab txhawb ib co tub hluas ntxhais hluas kom lawv tig los ua Koom Txoos tub txib ntxhais txuas pab cov neeg txom nyem xws li niaj hnub no.
Kwv tij Hmoob, yog peb xav kom peb txoj sia no tawg paj txi txiv, peb xav kom sawv daws nco txog peb, mas peb yuav ua xws li lub noob nplej poob hauv av thiab tuaj ua tsob tshiab mog. Nyob zoo sawv daws.