LEES TXAIS QHOV NTSHIAB LUB TXIAJ NTSIM YOG LUB NTSIAB HAUV CAIJ YES XUS YUG LOS (CHRISTMAS)

Nyob hauv Hnub Chiv lis piam ob huav Caij Yes Xus Yug Los, Vaj Qhia Fas Ntshis Kus tau txhais lub ntshiab hauv Huab Tais Yes Xus kev yug.
Vaj Qhia Fas Ntshis Kus pib piav txog lo lus ‘Tswv Ntuj Leej Tub yug los ua neeg’ li no : Tsis yog nws nyob hauv tsoom sid xwb, tab sis nws yog ib tus nrog peb nyob.
Vaj Qhia hais ntxiv tias Leej Lo Lus xeeb ua neeg txhais tias ziag no tus neeg ntshiab los nyob hauv peb lub neej lawm, mas peb muaj peev xwm txhim peb txoj sia, tsis yog tas zog tsoo raws kab lw ntsia tsis pom.
Vaj Qhia hais ntxiv tias Ntuj foom hmoov rau nws lub tswv yim nyiam neeg nyob hauv Huab Tais Yes Xus.
“Nyob hauv Ntuj lub tswv yim no,” Vaj Qhia Fas Ntshis Kus hais, “Peb txhua tus tau hnov Tswv Ntuj lus hu : peb tau ua Tswv Ntuj me nyuam yog los ntawm Huab Tais Yes Xus. Tswv Ntuj Leej Tub yug los ua neeg yog kom peb txhua leej txhua tus tau ua Tswv Ntuj cov me nyuam.”
Vaj Qhia hais tias peb tab tom xav tias Tswv Ntuj npaj yam dab tsi nyob hauv peb? Peb yuav ntsib lo lus teb nyob hauv Leej Ntshiab Paj Lug lo lus : Tswv Ntuj xaiv kom peb ntshiab huv thiab tsis lo txhaum rau ntawm nws xub ntiag.
Yog Tswv Ntuj los nyob hauv peb thiab pub lub txiaj ntsim nyob hauv Leej Lo Lus rau peb, peb thiaj li teb Tswv Ntuj cov lus hu peb los ua tus neeg ntshiab nyob hauv txoj kev nyiam. 
“Ntshiab Huv txhais tias yog Tswv Ntuj li, muaj feem nrog Tswv Ntuj, thiab yog yam qhia txog Tswv Ntuj kev zoo mus ib txhiab ib txhis.” Vaj Qhia rov hais ntxiv “Leej twg lees txais qhov ntshiab huv uas yog Tswv Ntuj lub txiaj ntsim, tus neeg ntawd yuav txi txiv nyob hauv nws lub neej.”
Vaj Qhia hais txog kev tsis lo txhaum tias zoo li daim ntaub dawb tsis pluas ib qho dub, kev tsis lo txhaum yog Tswv Ntuj los nyob hauv peb. Ntuj lub txiaj ntsim nyob hauv peb thiab peb kub siab txog lwm tus thiab pub rov rau lwm tus.

Tus txhais : Muas Lauj, Zoo Tswv Zov Yaj