ZAJ NYEEM NIAJ HNUB. Tim 25 lub 8 hli 2022 (Daily reflection)

ZAJ NYEEM HNUB TIM 25 LUB 8 HLI, NCO TXOG LEEJ NTSHIAB LUS IS CUAJ
COV LUS NYOB HAUV MAS TAIS NTAWV MOO ZOO (MT 24: 42-51)

Cov kwv tij Hmoob, peb lub neej nyob ntiaj teb no mas peb tsis paub tias yuav nyob txog hnub twg, yog li mas peb thiaj yuav sawb sim kom txhij tas txwv. Peb yuav tau qee sij hawm rau Tswv Ntuj thiab rau lwm tus. Peb yuav tau rau siab ua cov hauj lwm Tswv Ntuj cia rau peb ua kom zoo vim tias tus tswv sia mas yog Tswv Ntuj. 
Kwv tij, cov hauj lwm Tswv Ntuj cia rau peb ua yog dab tsi? 
Yog nej ua niam ua txiv mas nej txoj hauj lwm yog txhim nej lub cuab kom sib haum, qhuab qhia nej tej me nyuam kom ua neeg zoo mloog lus. Yog nej yog me nyuam mas nej txoj hauj lwm yog mloog niam txiv lus thiab tu niam txiv mus rau yav laus. Yog nej ua xib hwb ua kws txuj mas nej yuav qhuab qhia tej tub kawm kom txawj ntse. Yog nej ua hau zos tswj ib cheeb tsam mas nej yuav tau tiv thaiv nej tsoom laj mej pej xeem kom txhob raug txom nyem. Yog nej ua nom tswv mas nej yuav coj ncaj rau nej tsoom neeg. Yog nej yog Leej Choj los cov tub ntxhais tshaj Ntuj Lus mas nej yuav nrhiav kev nyiam thiab cav txog Tswv Ntuj. Yog nej yog neeg ntseeg mas nej yuav sib nyiam xws li Huab Tais Yes Xus tau qhia rau nej.
Nyob zoo sawv daws.