ZAJ NYEEM NIAJ HNUB. Tim 26 lub 8 hli 2022 (Daily reflection)

ZAJ NYEEM HNUB TIM 26 LUB 8 HLI, HNUB 6 LUB LIS PIAM 21 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 25: 1-13)

Kwv tij Hmoob, peb ua neej nyob mas peb tsum xyuam xim xws li 5 leej niam txais ntsuab ntim roj rau hauv hwj mus tos nraug vauv, vim peb tsis paub tias nraug vauv yuav tuaj txog thaum twg.
Cov roj hauv zaj paj lug no mas yog peb cov koob hmoov peb tsim cia thaum peb tseem ua neej nyob. Peb yim tsim ntau ces cov koob hmoov yim ua roj ntau rau peb ntim hauv peb lub teeb. 
Cov neeg xyuam xim mas lawv hais tias dhau lub neej no mus mas tseem tshuav lub neej tshiab nyob rau lub ntuj tom ntej, ces lawv thiaj niaj hnub ua zoo rau lwm tus. cov neeg tsis xyuam xim mas lawv tsuas xav ua neej nyob tiam no kom lom zem, lawv tsis npaj yuav tsim koob hmoov tseg, ces lawv cov koob hmoov thiaj tas ua ntej Huab Tais Yes Xus tuaj, lawv thiaj raug pov nyob nraum zoo tsaus ntuj nti mus ib txhis.
Nyob zoo sawv daws.