Cov tsev teev Ntuj nyob Is Ntos Nes Xias, npaj sam thiaj hu nkauj pab cov me nyuam kawm ntawv

Lub caij cov tub hu nkauj sib koom suab ntawm txhua lub teb chaws (BICF) thiab cov tub hu nkauj sib koom suab (BCS) tau npaj sam thiaj los hu nkauj ua ke, kom tau nyiaj mus pab kev kawm ntawv nyob hauv lub tsev teev Ntuj Leej Ntshiab Yos Xes nyob Npas Lis, Is Ntos Nes Xias teb.

Tommyanto Kandisaputra uas yog tus thawj ntawm BICF hais tias lub sam thiaj hu nkauj no lub hom phiaj yog nrhiav peev nyiaj txiag sib koom siab rau fab kev kawm ntawv, kom cov me nyuam hauv cov yim neeg nrhiav tau nyiaj tsawg tau mus kawm ntawv nyob hauv tej tsev kawm ntawv zoo. 

Cov Txiv Plig thiab cov Leej Phauj nyob hauv lub tsev kawm Leej Ntshiab Yos Yes, Txiv Plig Yas Mas Dias hais tias “Peb thov qhua hu kwv tij sawv daws nrog rau cov tub lag tub luam, kom sawv daws muaj feem hlub tshua thiab pab lwm tus, uas yog sib pab nyiaj mus pab cov me nyuam kawm ntawv tuaj ntawm cov yim neeg pluag txom nyem tuaj”.

Elsa ib tug uas tau txais peev nyiaj txiag pab kev kawm hais tias : txoj kev xav thiab kev pib ua li no tau pab nws txoj kev kawm.

Lub sam thiaj hu nkauj no muaj cov tub hu nkauj sib koom suab 7 leej tuaj ntawm lub Cheeb Koom Txoos Denpasar, Npas Lis thiab ntau tus tub hu nkauj raug caw.

Kev hu nkauj nrhiav nyiaj pab kev kawm ntawm lub Cheeb Koom Txoos Denpasar, pib txij xyoo 2020 los lawm.