ZAJ NYEEM NIAJ HNUB. Tim 1 lub 9 hli 2022 (Daily reflection)

ZAJ NYEEM HNUB TIM 1 LUB 9 HLIS, HNUB TSIB LUB LIS PIAM 22 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 5: 1-11)

Kwv tij Hmoob sawv daws, lub Moo Zoo nej hnob hauv hnub no mas peb hais tias yog Huab Tais Yes Xus hu thawj 4 leeg thwj tim; yog Xis Moos, As Nres, Yas Kos thiab Zam.
Muaj ib qib lus peb yuav hnov hauv zaj no yog Xis Moos hais rau Huab Tais Yes Xus tias ‘Huab Tais, koj txav mus deb kuv vim kuv yog ib tug neeg txhaum’, vim Xis Moos paub lawm tias Huab Tais Yes Xus yog tus Tswv Ntuj xa tuaj, ces Xis Moos tu siab rau nws vim nws yog neeg txhaum, tsis tsim nyog nyob ze ib tug neeg Ntshiab li Huab Tais Yes Xus.
Tab sis Huab Tais tsis txav mus rau qhov twg, Huab Tais Yes Xus tsuas hais rau Xis Moos tias ‘koj txhob ntshai’, thiab hais ntxiv tias ‘txij no mus koj yuav puav neeg.’
Cov kwv tij, muaj ntau zaus Huab Tais Yes Xus los nyob ze peb tab sis peb tau hais rau Huab Tais Yes Xus xws li Xis Moos hais, vim peb xav xws li Xis Moos xav. Tab sis Huab Tais Yes Xus tsis saib tias peb tsis tsim nyog ua nws txoj hauj lwm, tsis tsim nyog raws nws qab. 
Li ntawd mas kwv tij Hmoob, thaum nej hnov cov Leej Choj, cov Phauj, los yog cov ntseeg hais rau nej tias koj pab ua Tswv Ntuj txoj hauj lwm mas! Mas nej txhob muab xav ntau ntau tias ‘Ab! Ntshai kuv tsis phim yuav ua, koj mus hais lwm tus mas yuav zoo dua.’ 
Nej yuav zoo siab hlo txais qhov ntawd los ua xws li 4 tug thwj tim no uas lawv hnov Huab Tais Yes Xus hais kom lawv tso cov puav ntses tseg, ces lawv cia li zoo siab raws Huab Tais Yes Xus mus.
Nyob zoo sawv daws.