Cov me nyuam As Kas Nis Taas lub neej txom nyem kawg

Raws li Save the Children tshaj tawm, mas txij thaum cov Tas Lis Npaas txeeb kav As Kas Nis Taas teb 1 xyoo dhau los, cov me nyuam yaus ntsib teeb meem loj kawg, vim lawv raug kev tshaib plab thiab zoo li tsis muaj neeg saib xyuas lawv.

Tsaib no, muaj ntau plhom leej neeg nyob thoob ntiaj teb pom tias cov pej xeem uas lawv sib txeeb khiav mus hauv tshav dav hlau, mas yog vim lawv xav khiav tawm lub teb chaws As Kas Nis Taas, vim cov Tas Lis Npaas txeeb tau lub tuam ceeb lawm.

12 lub hlis dhau los, ua rau muaj kev kub ntxhov thiab tsoom pej xeem lub siab nyob tsis tiaj tus, yog vim As Mes Lis Kas teb txiav txim siab thim tub rog tawm hauv As Kas Nis Taas teb. Save the Children tshaj txoj cai tshiab hais txog cov me nyuam yaus. Txij thaum Tas Lis Npaas txeeb tau As Kas Nis Taas teb, mas txhua yam pib kub ntxhov thiab lub ntuj qhuav heev, thiab muaj tej txoj cai tshiab kav. Ua kev kub ntxhov loj rau cov me nyuam ntxhais, vim lawv raug txiav tawm ntawm tej pawg neeg thiab cia lawv nyob yoo tshaib. Hauv cov me nyuam ntxhais ntawd 1 feem 4, lawv ntsoos thiab ntsej muag ntshaus.