COVID-19 thiab huab cua ua kev kub ntxhov rau tsoom pej xeem Mias Mas uas lawv yog neeg ua liaj ua teb

 “Tais mov” nyob Mias Mas teb tab tom raug kev kub ntxhov loj, kev cog qoob cog loo ntsib xwv txheej txhua hnub. Tsoom pej xeem ntau pua leej mus thov ntawv tawm txawv teb chaws, vim lawv xav tshais chaw. Lawv xav tawm teb chaws mus nrhiav kev kawm ntaub ntawv thiab mus ua hauj lwm. Cov huab cua kub txij xyoo 2020 los, mas zim txwv no huab cua kub txog 47.5 degrees nyob hauv lub nroog Chauck uas cov tub rog quab yuam tsoom pej xeem.

Kev txeeb kav teb chaws ntawm cov tub rog txij lub 2 hlis tsaib no los, Oos Xas Xus Cis thiab ntau tug nom raug ntes thiab tus kab mob COVID-19 sib kis tsaib no. 30 lub hlis tom qab ua rau tas ntiaj teb kub ntxhov kawg. Kev pauv ntxeev ntawm huab cua kuj heev zuj zus, ces ua rau tsoom pej xeem Mias Mas khiav tawm ntawm thaj tsam Magway uas nyob nruab nrab uas yog qhov chaw tseem ceeb ntawm txhua yam hauj lwm, txhais tau tias yog Mias Mas teb tais mov. Qhov chaw no yog qhov chaw tsim tawm txhua yam loj tshaj thiab tab tom vam meej, ces zim txwv no nchuav lawm.