Kav Tos Liv lub tuam tsev txhiam xws noj tiv tus nqi yuav toob xib lub caij nyiaj poob nqis

Sunday, September 25, 2022

Nyob hauv lub caij nyiaj poob nqis nyob As Mes Lis Kas teb 40 xyoo dhau los, cov tuam tsev rau txhiam xws noj thoob teb chaws, muaj ntau lub yog cov Kav Tos Liv uas lawv xav tau neeg txhab ntxiv.

Cov tuam tsev rau txhiam xws noj Kav Tos Liv ua hauj lwm pub cov neeg As Mes Lis Kas ntau plhom leej nyob thoob teb chaws, muaj cov Kav Tos Liv thiab tsis yog Kav Tos Liv. Nyob hauv lub caij nyiaj poob nqis, mas cov tuam tsev ntau lub tab tom siv zog nrhiav, thiab tus nqi muag txhiam xws noj nce siab li 11 feem pua nyob hauv lub 7 hli xyoo no. Yog muab piv rau tsaib no, mas kev nce nqi txhiam xws noj ua teeb meem loj kawg rau cov tuam tsev thiab cov neeg yuav.

Muaj ib lub tuam txhab nyog hauv Louisiana pom tias txhua yam kim tuaj lawm ib npaug nyob hauv ntau lub hlis no. Nyob Chicago cov tuam tsev rau txhiam xws noj Mission of Our Lady of the Angels hais tias cov yim neeg uas lawv xav tau kev pab muaj coob dua tuaj li ntawm 50 feem pua, suav txij lub caij ntuj sov tsaib no los lawm.

Tseem muaj ib lub tuam txhab nyob hauv lub xeev Louisiana hais tias cov tib neeg txom nyem xav tuaj yuav txhiam xws noj li ntawm 5 feem pua nyob hauv txhua txhua hli. Lub Koom Haum Kav Tos Liv pab neeg nyob Nashville thiab Gallup New Mexico hais rau CNA tias lawv cov tuam tsev rau txhiam xws noj xav tau txhiam xws txhab ntxiv txij lub hauv xyoo 2022 no los lawm. Lub Koom Haum Kav Tos Liv nyob hauv lub Cheeb Koom Txoos Galveston-Houston kuj hais rau CNA tias tib neeg tig los siv cov tuam tsev rau txhiam xws no thiab tsis yog tias txhiam xws noj xwb, tseem xav tau kev pab lwm yam thiab. Xws li khaub ncaws, me nyuam tej toob xib kawm ntawv, kev noj kev haus, kev nrhiav zog ua thiab kev kawm ntaub ntawv.