Kev txhim kho kev ncaj ncees thiab fab ntsuj plig rau cov tub ntxhais hluas tsa nyob Npees Las Des teb

Lub Cheeb Koom Txoos Kav Tos Liv nyob Npees Las Des teb sab hnub poob thiab nyob nruab nrab teb, sib koom tsa kom muaj kev cob qhia cov tub ntxhais hluas Kav Tos Liv kom muaj kev ncaj ncees thiab fab ntsuj plig nyob hauv hnub tim 28 lub 8 hli no.

Cov tub ntxhais hluas tuaj sib koom yog tuaj ntawm lub zos Dharmohata, hauv lub tsev teev Ntuj Good Shepherd, hauv lub Cheeb Koom Txoos Rajshahi tuaj.

Lub hom phiaj ntawm kev cob qhia zaum no yog txhawb nqa cov tub ntxhais hluas lub neej kom muaj kev ncaj ncees thiab fab ntsuj plig. Kom cov tub ntxhais hluas muaj feem cuam txog lub Cheeb Koom Txoos cov hauj lwm.

Muaj cov tub ntxhais hluas 103 leeg, 3 tug Txiv Plig thiab 4 tug Leej Phauj tuaj sib sau ua ke. Lawv tau qhia kom cov tub ntxhais hluas txawj coj lub neej haum fab ntsuj plig thiab yuav tsum muaj kev ncaj ncees. Tsis tas li ntawd, cov tub ntxhais hluas yuav tsum muaj feem cuam ua tej hauj lwm nrog lub Cheeb Koom Txoos thiab.

Txheej nyem no, lub neej uas muaj ntsuj plig thiab fab kev ncaj ncees ntawm cov tub ntxhais hluas tsim nyog yuav tsum muaj kom ntau tshaj no. Kom tau coj los siv hloov lub neej hauv yim neeg, hauv tej pab neeg thiab hauv lub Koom Txoos.