Lub tuam tsev txiav txim nyob Nyab Laj teb hais tawv qhawv tias lawv yuav kaw tus neeg tiv tseem hwv txoj cai 9 xyoos

Lub tuam tsev txiav txim nyob Nyab Laj teb hais tawv qhawv tias lawv yuav kaw tus neeg tiv tseem hwv txoj cai 9 xyoos

Hnub tim 25 lub 8 hli xyoo no, lub tuam tsev txiav txim nyob Hanoi hais tawv qhawv tias lawv yuav kaw Trang uas nws yog ib tug yaum tsoom pej xeem taij thov kev muaj vaj huam sib luag 9 xyoos, nws lub txim yog tiv cov tseem hwv txoj cai.
Tsab ntawv xov xwm tshaj tawm txog Trang lub txim tias : Trang txoj kev tiv cov tseem hwv txoj cai dav kawg thiab ua kev kub ntxhov rau cov tub ceev xwm, ces nws lub txim haum rau txoj kev nws ua.
Tsab ntawv kom Trang hais tias : nws ua ntau yam thiab luam ntawv faib rau tsoom pej xeem hais txog tiv cov tseem hwv koom tshaj nyob hauv xyoo 2017-2018. Tsis tas li ntawd cov pej xeem nyob Hanoi kuj raug txiav txim tias lawv hais tej xov xwm cuav rau cov tub xov xwm txawv teb chaws, ces yog lawv tsis nyiam tseem hwv txoj cai thiab lawv tab tom liam cov tseem hwv. Tsab ntawv xov xwm hais tias : Trang tsis kam lees nws lub txim thiab cov lus iab hiam.
Trinh vinh Phuc uas nws yog ib tug kws txoj cai nyob hauv lawv 4 leeg pab Trang hais cai hais tias : raws kev soj ntsuam Trang lub txim, mas pom tseeb tias nws tsis tau tsim kev kub ntxhov los yog ntxeev siab.