ZAJ NYEEM NIAJ HNUB. Tim 21 lub 10 hli 2022 (Daily reflection)

ZAJ NYEEM HNUB TIM 21 LUB 10 HLI, HNUB RAU LUB LIS PIAM 29 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 12: 54-59)

Kwv tij Hmoob sawv daws, nyob hauv lub Moo Zoo hnub no mas Huab Tais Yes Xus tau hais rau cov neeg raws nws sawv daws tias niaj hnub hauv lawv lub neej mas thaum lawv ntsia lub ntuj mas lawv ntsuas tau tias hnub no yuav los nag los ntuj yuav kaj.
Muab piv rau peb lub neej nyem no, niaj hnub peb saib hauv cov xov xwm mas peb yuav paub tias hnub no lub ntuj yuav kaj los yuav muaj ng, tag kis nag puas yuav los, neeg kis ne! ces peb yuav txiav tau tias hnub no peb yuav ua dab tsi, tag kis, neeg kis peb yuav npaj li cas ntxiv.
Yog muab hais los rau txoj kev ntseeg, ces yuav zoo li ntawd thiab. Peb twb paub lawm tias yog peb ua raws li Huab Tais Yes Xus cov lus qhia, peb tso siab rau Tswv Ntuj, peb ua neeg zoo ua neeg ncaj, ces qhov chaw peb yuav tau mus so yog Ntuj Ceeb Tsheej. Tiam sis yog peb ua neeg tsis tsim txiaj, ua neeg phem ua qhov tsis zoo, peb kawg txais cov hluav taws tsis txawj tuag ua peb lub chaw nyob.
Yog li mas cov kwv tij Hmoob, peb paub tias peb yog neeg txhaum, peb lub zog me me, peb zoo tsis tas, mas peb yuav thov Tswv Ntuj pub Leej Ntuj Plig Ntshiab rau peb, thov Leej Ntuj Plig Ntshiab tshoj peb siab coj peb kev, kom peb taug tau txoj kev mus cuag Ntuj Ceeb Tsheej mog. Nyob zoo sawv daws.