Nyiag cov Los Hees Yas mus pov tseg rau lub pov txwv Gluay

Tseem paub tsis tau tseeb tias 2 pab neeg no puas yog nyob hauv ib lub nkoj. Muaj cov neeg Los Hees Yas li ntawm 60 leej tau caij nkoj ua ntej hnub tim 4 lub 6 hli, thiab Thaib teb yog lawv qhov chaw hla thiab chaw so uas yuav hla mus rau lwm lub teb chaws, vim lawv raug quab yuam heev nyob hauv lub 8 hli xyoo 2017. Cov neeg thoj nam uas lawv khiav tawm teb chaws, mas lawv caij nkoj hla hiav txwv thiab tsis pom txog lawv lub neej tom ntej. Mas Les Xias teb yog lub hom phiaj ntawm cov neeg thoj nam uas lawv xav npaj siab khiav mus nyob, tab sis ntau zaus uas cov neeg thoj nam raug tso pov tseg nyob ntawm ntug dej hiav txwv Thaib, ces lawv raug nyiag mus hu nqi taub tau. Yog tias lawv tsis muaj nyiaj txhiv, mas lawv yuav tsis raug tso dim.