Txiv Plig Nguyen Huyen Duc tus saib lub tsev teev Ntuj Thien An tuag lawm

Ib tug Txiv Plig uas yav tag los nws saib lub tsev teev Ntuj Npes Nes Dis nyob Nyab Laj nruab nrab teb, nws tau tag sim neej lub caij nws khiav nkaum ua neeg thoj nam nyob Zes Mas Nias teb, nws tuag vim tus kab mob Cancer.

Cov kws tshuaj hais tias tej zaum nws yog raug neeg tso tshuaj lom. Nws tuag hnub tim 4 lub 10 hli 2022 nyob hauv tsev kho mob nyob Zes Mas Nias teb, nws tau kho nws tus mob txij xyoo 2017 los lawm, tam sim no nws muaj 50 xyoo.

Txiv Plig Nguyen Huyen txoj kev tuag raug tshaj tawm nyob hauv lub tsev teev Ntuj Thien An los ntawm Txiv Plig Gonzaga Dang Hung Tan. Lub tsev teev Ntuj Thien An yog nyob hauv lub xeev Thua Thien Hue uas muaj Txiv Plig Nguyen Huyen Duc ua tus saib txij xyoo 2014 los txog 2017. Lub tsev teev Ntuj Thien An yog lub tsev teev Ntuj nruab nrab thiab muaj zog dua lwm lub tsev teev Ntuj. Cov neeg ntseeg ua tus tswv txij xyoo 1940 los lawm. Lub tsev teev Ntuj Thien An pib txhim tsa hnub tim 10 lub 6 hli 1940 los ntawm cov tub tshaj Ntuj Lus neeg Fab Kis.