Vaj Qhia Fas Ntshis Kus thiab cov Tswv Qhia nyob Thaib teb koom kev tu siab txog kev tua neeg tuag nyob hauv lub tsev kawm ntawv me nyuam yaus

Thursday, October 27, 2022

Vaj Qhia Fas Ntshis Kus hais tias nws tu siab heev txog txoj kev tua neeg uas txaus ntshai heev nyob hauv lub tsev tu cov me nyuam yaus nyob toob faj pej hauv Thaib teb. Ua rau neeg tuag 36 leej, nyob hauv cov neeg tuag muaj 24 leeg raug tua tuag ua ib pawg thiab yog ib txoj kev tua neeg lim hiam tshaj nyob hauv Thaib cov liv xwm.

Cov Tswv Qhia nyob hauv lub Koom Txoos Thaib teb, kuj thov koom kev tu siab thiab pab thov Ntuj xa ntsuj plig rau txhua tus uas tau txais txoj kev tuag zoo li no yam yuav piav tsis tau rau lwm tus.

Tus Tswv Qhia Liab Pietro Parolin uas yog Vas Tis Kas tus pwm tsav kuj xa kev tu siab rau cov Tswv Qhia nyob Thaib teb hais txog Leej Txiv txoj kev hlub hnub tim 7 lub 10 hli no. Vaj Qhia Fas Ntshis Kus thov Tswv Ntuj txoj kev hlub thiab kev nplij siab rau cov neeg tuag cov neeg raug mob lawv tsev neeg huv si. Vaj Qhia hais tias lub sij hawm muaj kev tu siab loj li no, vam tias lawv yuav tau txais kev koom siab thiab sib pab ua siab loj ntawm cov neeg txheeb ze thiab ib tsoom neeg.