Vaj Qhia Fas Ntshis Kus yuav ntsib cov thawj coj Mawv Xis Lim thiab cov neeg ntseeg nyob Bahrain (Kas Tas)

Vas Tis Kas tshaj tawm kev tawm rooj ntawm Vaj Qhia hnub tim 3 txog 6 lub 11 hlis tom ntej no tias Vaj Qhia yuav mus tsham cov teb chaws uas yog pov txwv Mawv Xis Lim nyob Os Xes As Nias. Lub hom phiaj ntawm kev tsham zaum no, yog “kev thaj yeeb hauv lub ntiaj teb rau tus neeg muaj lub siab zoo”.

Hnub tim 3 lub 11 hlis tom ntej no, Vaj Qhia Fas Ntshis Kus yuav nqes dav hlau nyob hauv lub nroog Awali, uas yog lub nroog me me hu ua Manama, yog lub tuam ceeb ntawm teb chaws Bahrain (Kas Tas).

Tom qab kev sib tham ntiag tug nrog tus vaj Bahrain Hamad bin Isa Al Khalifa, Vaj Qhia yuav tham txog cov pwm tsav thiab tsoom pej xeem.

Hnub tim 2 Vaj Qhia yuav kaw lub rooj sab laj nyob Bahrain thiab hais txog kev sib haum xeeb ntawm toob fab thiab xib fab kom nyob ua ke xws tib neeg txoj kev hlub.

Ahmed el-Tayeb tus loj ntawm al-Azhar kuj yuav mus Bahrain teb thiab kom tau koom sab laj nrog Vaj Qhia. Lub 9 hlis tag los, tas cov thawj coj ntawm kev teev hawm nyuam qhuav sib ntsib sib tham nyob Kas Ntxas Taas teb.

Vaj Qhia yuav ntsib el-Tayeb ua ntiag tug thiab sib tham txog cov thawj coj Mawv Xis Lim nyob hauv lub tsev teev hawm Sakhir.