ZAJ NYEEM NIAJ HNUB. Tim 4 lub 11 hli 2022 (Daily reflection)

ZAJ NYEEM HNUB TIM 4 LUB 11 HLI, NCO TXOG LEEJ NTSHIAB TSWV QHIA NPOS LOS MES OS.
COV LUS NYOB HAUV LUS KAS NTAWV MOO ZOO (LK 16: 1-8)

Kwv tij Hmoob sawv daws, lub Moo Zoo hauv hnub no hais txog zaj paj lug tus tim xyoob xyuam xim.
Nyob hauv zaj paj lug, peb pom tias tus tswv nyiaj qhuas tus tim xyoob siab tsis ncaj txawj ua neeg xyuam xim. 
Puas yog Huab Tais Yes Xus xav kom peb yoog raws tus tim xyoob siab tsis ncaj no tus piv txwv?
Lub ntsiab peb xav qhia rau sawv daws, mas yog li no: muab tus tswv nyiaj piv rau Tswv Ntuj, mas Tswv Ntuj tau pub lub txiaj ntsim rau peb sawv daws coj los ua neej nyob hauv lub ntiaj teb no. Ib txhia coj Tswv Ntuj lub txiaj ntsim muss iv lwj siv liam, siv mus rau fab kev phem kev tsis zoo. Ib txhia mas lawv tau coj muss iv ua qhov zoo ces Tswv Ntuj yuav cia lawv nyob nruaj hauv Tswv Ntuj txoj hauj lwm. Tus coj Tswv Ntuj lub txiaj ntsim muss iv ua qhov phem mas Tswv Ntuj yuav rho nws tawm, yuav tshem nws hauv Tswv Ntuj lub Ceeb Tsheej.
Muab piv rau peb mas peb yuav ua li cas? 
Huab Tais Yes Xus qhia kom peb ua li tus tim xyoob no, peb kav tsij ua cov hauj lwm hlub lwm tus, peb yuav muab qhov peb muaj pub rau lwm tus. Vim tias thaum tus tim xyoob muab cov tshuav nqi ntawm tus tswv cov nqi txo kom tsawg dua qub, mas yog nws tau muab nws tus nqi zog tshem tawm, nws tsis yuav tus nqi uas cov tshuav nuj nqi yuav tsum them rau tus tswv kom tau ua tus tim xyoob tus nqi zog.
Cov kwv tij Hmoob, peb yuav kawm lub ntsiab xwb, txhob kawm tus tim xyoob tus yam ntxwv ua neeg tsis ncaj mog. Nyob zoo sawv daws.