ZAJ NYEEM NIAJ HNUB. Tim 8 lub 11 hlis 2022 (Daily reflection)

ZAJ NYEEM HNUB TIM 8 LUB 11 HLIS, HNUB PEB LUB LIS PIAM 32 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 17: 7-10)

Kwv tij Hmoob, nej hnov lub Moo Zoo hnub no, mas nej xav li cas? Tej tus ntshai yuav xav tias ua cas tus tswv tsev yuav ua nruj thiab tsis hlub nws tus tub txib li, tus tub txib mus ua hauj lwm ib hnub los txog tsev, ua cas tus tswv tsis cia nws so, tseem txib nws ua hauj lwm ntxiv thiab!
Yog peb muab xav rau peb cov Hmoob lub neej mas peb pom zoo li cas? Nyob hauv ib lub cuab peb yuav pom tias tus txiv tsev zoo xws li tus tswv hauv zaj no, hos tus niam tsev ces zoo li tus tub txib ntag. Ob leeg ua hauj lwm ib hnub, los txog tsev mas tus txiv pw nthi tom txaj tos tus niam tsev los ua hmo thiab tu me nyuam. Tus niam tsev puas yws! Qee tus kuj yws tab sis feem coob mas nws zoo siab ntso ua, nws tsis yws vim tias nws hlub tus txiv thiab cov me nyuam.
Nyob hauv Huab Tais Yes Xus lub Moo Zoo hnub no mas yog Huab Tais Yes Xus xav qhia peb txog nqe no. Yog kom peb zoo siab ua hauj lwm tsob hwb Tswv Ntuj vim tias qhov no yog qhov uas peb yuav tsum ua, vim peb nyiam Tswv Ntuj thiab hlub cov nyob ib puag ncig peb.
Nyob zoo sawv daws.