ZAJ NYEEM NIAJ HNUB. Tim 10 lub 11 hlis 2022 (Daily reflection)

ZAJ NYEEM HNUB TIM 10 LUB 11 HLIS, HNUB NCO TXOG LEEJ NTSHIAB VAJ QHIA LES OS TUS LOJ
COV LUS NYOB HAUV LUS KAS NTAWV MOO ZOO (LK 17: 20-25)

Kwv tij Hmoob zoo nyiam, tej zaum muaj ntau zaus nej ntsib tej tus neeg hais rau nej tias ‘koj hais tias cov ntseeg Ntuj mas yuav tau mus nyob pem Ntuj Ceeb Tsheej, yog li koj puas paub hnub twg Ntuj Ceeb Tsheej thiaj yuav tuaj txog?’ 
Hnub no cov Fas Lis Xais kuj nug Huab Tais Yes Xus zoo li no thiab, ces Huab Tais Yes Xus hais rau lawv tias ‘hnub no Tswv Ntuj lub Ceeb Tsheej twb tuaj txog nej lawm, yog nyob nruab nrab hauv nej.’
Kwv tij Hmoob sawv daws, Tswv Ntuj lub Ceeb Tsheej yeej nyob hauv peb tiag! yog tias peb qhib siab nyiam lwm tus, pab lwm tus, ua zoo rau lwm tus, vim tias Tswv Ntuj yog kev nyiam, yog li mas thaum peb sib nyiam sib hlub, peb txawj sib pab sib nres, ces yog Tswv Ntuj lub Ceeb Tsheej nyob nruab nrab hauv peb lawm. 
Qhov no yog Tswv Ntuj lub Ceeb Tsheej, yog kev xyiv fab peb tau sab thaum tseem muaj txoj sia nyob. Nyob zoo sawv daws.