ZAJ NYEEM NIAJAHNUB. Tim 16 lub 11 hlis 2022 (Daily reflection)

ZAJ NYEEM HNUB TIM 16 LUB 11 HLIS, HNUB NCO TXOG LEEJ NTSHIAB MAS KAS LIS TAS NYOB ES KOS XES
COV LUS NYOB HAUV LUS KAS NTAWV MOO ZOO (LK 19: 11-28)

Kwv tij Hmoob, lub Moo Zoo hnub no qhia rau peb sawv daws paub tias Tswv Ntuj tso siab rau peb sawv daws ua nws tej hauj lwm raws txoj kab xwb, tej tug tau ua hauj lwm ntau, tej tug tau ua tsawg, tej tus tau ua hauj lwm hnyav, tej tug ua hauj lwm sib. Yam Tswv Ntuj tos ntawm peb mas yog tias peb puas yuav pheej xeeb rau txoj hauj lwm Tswv Ntuj pub rau peb, peb puas yuav ua kom Tswv Ntuj cov hauj lwm txi txiv raws li peb rab peev xwm. Yog Tswv Ntuj pom tias peb rau siab, mob siab rau ua mas Tswv Ntuj yuav pub paj tshab rau peb kom tau ua qhov loj dua ntawd ntxiv mus, tab sis yog tias peb tsis liam fab rau Tswv Ntuj txoj hauj lwm pub rau peb, mas thaum kawg Tswv Ntuj yuav rho txoj hauj lwm ntawd tawm mus thiab yuav muab txiav txim rau peb.