Kev mus kev ntawm FABC 50, zoo li yog tiag nyob hauv lub Koom Txoos As Xias

Sunday, November 13, 2022

Tom qab uas qhib lub rooj sab laj nyob Bangkok, mas cov Tswv Qhia ntawm txhua lub teb chaws tau hais txog nyias kev sov siab thiab kev ntsib teeb meem ntawm tus kheej. Tswv Qhia Gracias hais txog tej yam nws tau ntsib nyob Latin America thiab Aparecida tau ua ib co ntawv hais txog kev ua txuas ntxiv thiab txhawb nqa kev tshaj Ntuj Lus.

“Kev mus kev zoo li yog tiag” txhua txhia lub teb chaws nyob As Xias yuav mloog kev paub los ntawm lub Koom Txoos, thiab qhov zoo ntawm Kav Tos Liv nyob hauv xeev ntuj sib faib txog yav tom ntej.

Kev qhib lub rooj sab laj hnub tim 12 lub 10 hli, ntawm lub rooj sab laj cov Tswv Qhia As Xias (FABC), vim yog txwm hnub nyoog 50 xyoo. Muaj 29 lub teb chaws cov Tswv Qhia tuaj sib koom ua ke. Kev sib sau sab laj yuav muaj mus txog hnub tim 30 lub 10 hli, nyob hauv lub tsev tshaj Ntuj Lus Ban Phuwan hauv Thaib teb. Cov sawv cev ntawm txhia lub teb chaws nyob hauv ntu kawg, mas sawv daws ntxhov siab txog txhua yam teeb meem uas nyias cov neeg ntseeg tau ntsib. Yog lub cim ntawm kev sib txhawb nqa thiab sib nkag siab uas sawv daws yuav tau txais ua ib qho txiaj ntsim ntawm kev tawm rooj.