FABC teeb tsa qhov tseem ceeb ntawm kev tshaj Ntuj Lus nyob As Xias

Hnub tim 6 uas yog hnub kawg ntawm kev sib tham hais txog Emerging Realities nyob As Xias. Cov Tswv Qhia taw mus rau kev teeb tsa hais txog qhov tseem ceeb ntawm kev tshaj Ntuj Lus nyob hauv lub Koom Txoos As Xias, lawv tau muab qhov ntawd los sib tsham ib lis piam.

Kev sib tham hais txog kev tshaj Ntuj Lus ib lis piam, muaj Tswv Qhia Gracias ua tus coj nyob hauv kev sib tham. Kev sib tham ntawm kuj hais txog ntau yam, hais txog tej pab neeg thiab hais txog cov haiv neeg tsawg. Kev muab siab rau mloog, kev qhib kom nthuav dav, kev sib haum xeeb, kev sib tuav xam thiab kev ua kom lub Koom Txoos sib koom ua ib lub siab. Lub Koom Txoos As Xias sib koom ua ntu zus, txhib thiab qhia cov tub ntxhais hluas, kev ua neeg thoj nam, kev ua tim khawv, kev txhim kho fab ntsuj plig thiab cov neeg pluag txom nyem. Dhau ntawd lawv tseem sib tham txog lwm yam uas yog hais txog cov neeg thoj nam thiab huab cua pauv ntxeev.

Naoko Murayama tus cev lus nyob As Xias toob fab naj thiab As Xes Os Nias. Nws kuj yog tus saib fab cov tub zog hla teb chaws thiab cov neeg thoj nam ntawm Dicastery for Promoting Integral Human Development hais txog teeb meem cov neeg thoj nam, nws thov kom cov sawv cev sib tham sib teb, thov kom sawv daws paub txog, zoo siab mloog, txhawb nqa thiab sib koom tes.

Hans Joachim Schellnhuber tus txhim tsa thiab cov kav xwm muaj meej mom ntawm Potsdam tau hais txog kev pauv ntxeev ntawm huab cua (PIK), lub ntsiab hais tias “Kev pauv ntxeev sai sai ntawm huab cua, kev kub ntxhov thiab kev tos txais” nws yog yam tob tob nyob hauv kev huab cua pauv ntxeev. Tas ntiaj teb yuav tau txiav txim siab los ntsuas kev pauv ntxeev ntawm huab cua thiab kev piam sij.