Peb puas tuaj yeem txuag kom tej tsiaj txhob tu noob ?

Nug cov me nyuam kawm ntawv nyob hauv tsev kawm ntawv txhua qib hais txog lub ntiaj teb ntuj tsim, uas lawv tau mus kawm thiab tshawb fawb nyob hauv hav zoov thiab hauv dej hiav txwv ntau zaus. Tej zaum lawv kuj tau saib cov ntawv los yog cov xyam hais txog tsiaj qus thiab cov teeb kub ntxhov piaj sij rau lub ntiaj teb uas peb nyob no. Thaum lawv loj hlob tuaj lawm, lawv xav ua dab tsi ? Muaj coob leej teb tias : “Xav txuag tej tsiaj qus, xav txuag xyoob ntoo thiab saib xyuas lub ntiaj teb no”.

Peb pom li no, mas peb qhuas thiab tsim nyog yuav koom tes nrog cov tub kawm ntau txhiab leej xws li Greta Thunberg sib sau tawm tsam thov kev ncaj ncees txuag huab cua thiab txuag lub ntiaj teb. Thaum cov tub tawm tsam huab cua hais tias :

“Pab cawm dais” los yog “Pab cawm ntxhw”, mas lawv hais tias “Pab lub ntiaj teb”. Qhov ntawd yog txhua txoj sia nyob hauv ntiaj teb no raug neeg thiab huab cua txov. Qhov ua rau tej tsiaj qus yuav tu noob yog los ntawm tib neeg coob tuaj thiab tib neeg txoj kev txov hav zoov. Xav tias tas ib tsoom neeg nyob ntiaj teb no yuav muaj txog 8,000 plhom leej rau hnub tim 15 lub 11 hlis 2022. Xyoo 2029, mas ntiaj teb neeg yuav coob txog 9,700 plhom leej. Xyoo 2030, yuav muaj tib neeg coob txog 10,400 plhom leej. Ces yuav ua rau neeg tib neeg txoj kev ntov hav zoov yuav muaj tshaj no.