Cov poj niam Khas Phus Chas neeg ntseeg mus txog rau rooj ntawv xov xwm Kav Tos Liv

Cov poj niam Khas Phus Chas lawv txoj kev ntseeg mus txog lub Koom Txoos Kav Tos Liv, tsis yog ib qho uas lam mus los yog nyob nyob cia li mus tau. Tab sis yog Tswv Ntuj ua thiab yog tus pog Keo lub txiaj ntsim uas nws ua hauj lwm rau rooj ntawv xov xwm Kav Tos Liv nyob Khas Phus Chas txij xyoo 2004 thiab Veritas Asia Cambodia Language Service txij xyoo 2011 los.

Nyob hauv tus neeg tig los yuav lub siab tshiab ua neeg Kav Tos Liv thiab txoj kev ua tub xov xwm Kav Tos Liv tsis yog ib qho yooj yim kiag. Keo nws muaj 36 xyoo, nws yug los nyob hauv ib yim neeg teev hawm Phus Thas, nws muaj ib tug nus hlob thiab ib tug niam hluas. Nws niam thiab nws txiv yog ua tseem hwv hauj lwm, tab sis nkawd so laus lawm. Nws txiv yog ib tug kws faib tshuaj, hos nws niam yog kws kho mob. Nws niam thiab nws txiv nrog nws tus niam hluas nyob hauv lub xeev Kampong Spue, nrug deb li 48 km ntawm lub tuam ceeb Phas Noos Pees.

Xyoo 2002, Keo kawm tiav tsev ntawv txheej nrab, ces nws ib tug phooj ywg qhia kom nws sau npe mus hauv lub tsev kawm ua hauj lwm Don Bosco uas yog cov poj niam nyob, nyob hauv Phas Noos Pees. Thawj 2 xyoos ntawm nws txoj kev xyaum hauj lwm, nws hais tias kuv koom teev Ntuj txhua tag kis thiab thaum tsaus ntuj nrog kuv tus niam hluas. Tab txawm kuv tsis paub lub ntsiab, tsis kav kev zaum hu nkauj ua ke thiab mloog Ntawv Ntshiab zoo li cov nplaim taws kub hauv kuv lub siab kom kuv nrhiav lo lus teb. 

Tswv Ntuj teb nws cov lus thov los ntawm tus thawj coj CSC, ces tus thawj coj txais Keo ua ib tug neeg ua hauj lwm thiab ua tus hais lus hauv lub tshaj xo nrog rau ua tus tos txais neeg. Hnub tim 16 lub 4 hlis xyoo 2006, Tswv Qhia Detombe pub lub Cim Ntxuav rau Keo nyob hauv lub tsev teev Ntuj Leej Ntshiab Yos Xes, nyob hauv tuam ceeb Phas Noos Pees. Keo ntseeg tias nws tau ua tus tshaj lus ntawm lub Koom Txoos, yog Tswv Ntuj hu kom nws mus ua txoj hauj lwm ntawd. Thiab Keo rov txhawb nws lub zog tias “Tshais ruam ntxiv mus, Tswv Ntuj nrog kuv nyob thiab txhawb nqa kuv nyob hauv Tswv Ntuj cov hauj lwm.”