Ib tug tub ua yeeb yam neeg His Xas Lais hloov siab los txais kev ntseeg Kav Tos Liv, Niam Mab Liab yog kev hlub uas zoo tshaj plaws.

Elmaleh uas nws yog ib tug tub ua yeeb yam lom zem neeg His Xas Lais uas nto npe, yog tus neeg ib zeej tsoom nyiam kawg nyob Fab Kis teb. Nws ceeb toom tias nws hloov siab tig los txais kev ntseeg Kav Tos Liv, thiab nws hais tias Niam Mab Liab yog tus tseem ceeb tshaj.

Elmaleh muaj 51 xyoos, nws yog tus ntxhais hluas nkauj Charlotte Casiraghi tus txiv, yog Caroline tus ntxhais nyob Mos Nas Kos, thiab muaj ib tug me tub hu ua Rafael. Kev hloov los txais kev ntseeg Kav Tos Liv ntawm Elmaleh, tawm nyob hauv nws zaj yeeb yaj duab tshiab muaj lub npe hu ua “Reste un peu”,

txhais tias “So ib me ntsis”.

Tus tub ua yeeb yam neeg His Xas Lais ntawd raws li ntawv xov xwm Xyis Pas Yas, El Mundo siv lub npe tias Jean-Marie. Thaum nws txais lub Cim Ntxuav nws kawm kev ntseeg nyob Pas Lis, thiab xyoo 2019 nws tau koom ua yeeb yam hauv zaj suab nkauj nyob London ntu hais txog Leej Ntshiab Npes Nas Des tus pom yav tom ntej, tus tau pom Niam Mab Liab nyob hauv lub nroog Luj.

Elmaleh hais rau Fab Kis tsab ntawv xov xwm Le Figaro tias “Niam Mab Liab yog txoj kev hlub uas zoo tshaj plaws rau kuv”.

Thiab nws ua tej yam txawv nyob Fab Kis teb. “Cov neeg ntseeg Kav Tos Liv feem coob, lawv tsis tau coj lub neej raws lawv txoj kev ntseeg rau sawv daws pom”.