Tshaj tawm thiab ntxias muag tej yam ntawm neeg lub cev, kom tau nyiaj yuav xov tooj Iphone. Yog qhov xyav moo loj kawg nyob Thaib teb.

Cov xwm no raug nthuav tawm nyob hauv cov teb chaws As Xias toob fab naj, ces cov kws kho mob txhawj xeeb tias tsam muaj tej tus neeg ua tiag tiag, vim lawv tsis paub txog txoj cai kev muag tej yam ntawm neeg lub cev nyob As Xias toob fab naj.

Cov duab hais txog muag tej yam ntawm neeg lub cev kom tau nyiaj yuav xov tooj iPhone tawm tshiab, cov duab ntxias neeg ntawm ib lub tsev ua zoo nkauj nyob Los Tsuas teb. Nyob hauv cov duab muaj 3 tug tub ntxhais hluas tuav cov xov tooj iPhone thiab muaj ntshav ntws sis, qhia tias lawv raug hlais tej yam ntawm lawv lub cev mus muag lawm. Txij lub lis piam tag los cov duab no rais ua ib tug kab mob nyob Thaib teb, muaj qee leej ntsia tsis taus. Tseem muaj lwm tus neeg xyav txog kev ntshai tias tsam lawv raug cov teeb meem no.

Tsis ntev los no nyob Thaib teb muaj neeg muab tej yam ntawm neeg lub cev coj mus pauv nyiaj los yuav toob xib ua dog ua dig, los sis ua ua ntsej muag kom zoo nkauj. Muaj coob leej hais tias kev muag ib lub raum, tuaj yeem tau nyiaj txog li ntawm 30,000 US dos las. Kev muag tej yam ntawm neeg lub cev zoo li no, tsis yog ua vim tsis muaj kev tawm thiab ua kom tau nyiaj los pab cuab yig. Tab sis yog kev ua los khav theeb thiab ua kom tau tej yam zoo los txhab ntxiv rau nws tus kheej xwb.