Txoj cai ntawm tsoom pej xeem yuav txiav txim siab tias tseem hwv Fab Kis txoj kev pab puas raug cai

Lub hlis no nyob hauv tsoom pej xeem Fab Kis uas raug xaiv li ntawm 150 leej, yuav los sib hais txog kev pab cov neeg tua nws tus kheej puas mus raws txoj cai los tsis mus. Yog ib lub tswv yim los ntawm tus Txoov Tim Tswv Macron’s uas yuav ua ntxiv mus kom kev tua tus kheej raug cai. Tsoom pej xeem uas raug xaiv lawv muaj feem cuam koom nrog cov nom tswv sib hais 6 lub hlis tias : puas yuav kheev txoj cai tua tus kheej thiab kev pab tua cov neeg xav tua tus kheej kom raug cai. Tsoom pej xeem Fab Kis 93 feem pua pom zoo txhawb nqa txoj cai tuag nyob hauv lub teb chaws.

Hnub tim 13 lub 9 hlis tag los, tus Txoov Tim Tswv Macron’s hais tias yuav muab txoj cai no los siv, thiab yuav hloov txoj cai no rau lub qab xyoo 2022.

Thaum lub 9 hlis uas tus Txoov Tim Tswv Macron’s zaj tswv yim raug nthuav tawm, nyob hauv lub rooj sab laj cov Tswv Qhia Kav Tos Liv nyob Fab Kis teb ceeb toom tias : “Kev ua li no yog ib txoj kev ncaim ntawm kev ncaj ncees lub cuab tam” uas Fab Kis teb yog ib lub teb chaws Kav Tos Liv. Kev pab kev tua cov neeg xav tua nws tus kheej feem ntau, yog cov kws tshuaj muab tshuaj rau noj kom tuag, ces zoo li tus neeg mob rov tua nws tus kheej.