Zaj yeeb yaj duab luv luv ntawm ib tug Txiv Plig Kav Tos Liv yeej thiab tau txais paj tshab

Zaj yeeb yaj duab hu ua ‘Carlo’ ntawm ib tug Txiv Plig Is Ntias tau txais 2 qho paj tshab ntawm cov yeeb yaj duab nyob thoob ntiaj teb Global Taj (GTIFF), nyob hauv lub nroog Agra, lub xeev Uttar Pradesh. Vim yog ib zaj yeeb yaj duab zoo thiab yeej tag nrho lwm cov yeeb yaj duab, nyob hauv lub 11 hlis xyoo 2022 no.

Zaj yeeb yaj duab no tau txais 2 qho paj tshab los ntawm GTIFF, yog paj tshab yeeb yaj duab zoo tshaj thiab tus tsim tau zoo tshaj. Txiv Plig Bosco Rego yog tus kav thiab saib xyuas kev ua zaj yeeb yaj duab ‘Carlo’ ua tus hais cov lus no.

Tau txais paj tshab, mas yog ib qho kev zoo siab kawg, yog tus Txiv Plig nyob hauv lub Cheeb Koom Txoos Goa thiab Daman uas nyob Is Ntias sab hnub poob hais.

Zaj yeeb yaj duab no tso tawm rau neeg saib hnub tim 12 lub 11 hlis no, uas yog nyob hauv kev tsuj xeeb cov yeeb yaj nyob txhua hom nyob thoob ntiaj teb.

Zaj yeeb yaj duab luv luv no yog tsim raws li Blessed Carlo Acutis tus tub hluas Is Tas Lias Kav Tos Liv, tus uas txawj Computer thiab Internet.

Nws tau ua tawm kom peb pom txog kev tshaj Tswv Ntuj lub Moo Zoo raws txheej tshiab. Carlo muaj kev nyiam thiab hlub Tswv Ntuj, txawm tias nws niam thiab nws txiv coj kev ntseeg tsis nruj tsis kav nws yog ib tug Programmer hlwb hlau thiab tsim lub tsev vas (Website) ua tej yam txhawb nqa lub Cim Yug. Neeg paub nws los ntawm kev txuag thiab pov hwm cov me nyuam yaus uas yog cov me nyuam tuag tes tuag taw. Thaum nws tseem yau Carlo nws raug soj ntsuam pom tias nws muaj kab mob ntshav dawb. Nws yug nyob London, hauv Aas Kiv teb hnub tim 3 lub 5 hlis xyoo 1991. Nws tuag hnub tim 12 lub 10 hli xyoo 2020.

Nws yog tus Leej Ntshiab tuav pov hwm cov tub ntxhais hluas thiab Programmer hlwb hlau.