Cov tub ceev xwm ntes cov neeg tawm tsam tiv cov tseem hwv lub caij muaj kev sab laj APEC nyob Thaib teb

Hnub no tus thawj coj ntawm pab neeg thov kev vaj huam sib luag thiab pab neeg tawm tsam rov qab sib sau nyob hauv kev tsheb, lawv taij thov kom rhuav tshem lub rooj sab laj APEC thiab rho tus thawj pwm tsav Prayut Chanocha tawm mus. Muaj coob leej hais tias : tab txawm zim txwv no kev khaj cai tawm tsam tsis muaj zog, tsis kav kuj yuav muaj mus txog kev rov xaiv tsa lwm xyoo.

Cov tub ceev xwm Thaib teb raug xyav moo tias lawv siv lub zog ua phem rau cov neeg tawm tsam nyob Bangkok, vim tam sim no tab tom muaj lub rooj sab laj ntawm kev lag luam hauv cov teb chaws Asia-Pacific los sis APEC. Cov neeg sib sau tawm tsam thiab cov tub ceev xwm sib xyaws daws nyob hauv txoj kev tsheb Dinso, tom qab uas pab neeg tawm tsam hu lawv ua Citizens Stop Apec 2022. Pab neeg tawm tsam lawv pib ntawm qhov chaw cov tub ceev xwm npaj rau lawv, thiab taug kev ua kab sab mus rau qhov chaw tsa lub rooj sab laj APEC uas nyob tsis deb pes tsawg ntawm qhov chaw lawv sib sau.

Cov tub xov xwm qee leej raug mob me ntsis thiab raug ntiab kom tawm mus. Cov neeg tawm tsam khaj cai xav cev tsab ntawv rau cov tseem hwv thiab thov kom tso tseg kev sab laj thiab rho tus thawj pwm tsav Prayut Chanocha tawm mus, vim lawv xav tiv cov tub ceev xwm ces lawv hlawv kua txob nyob hauv kev tsheb.